Erla Skúladóttir

Erla Skúladóttir

Erla útskrifaðist með embættispróf í lögfræði frá Háskóla Íslands árið 2001. Lokaritgerð hennar fjallaði um nafngreiningu sakborninga í fjölmiðlum. Erla hlaut réttindi til málflutnings fyrir héraðsdómstólum árið 2006 og lauk framhaldsnámi í evrópskum hugverkarétti, Master of European Intellectual Property Law, við Háskólann í Stokkhólmi árið 2008. Ritgerð hennar til meistaraprófs var um einkaleyfalöggjöf á sviði lyfjaiðnaðar.

Sérsvið Erlu eru hugverkaréttur, félaga- og fyrirtækjaréttur, málefni opinberra aðila, fjöleignarhúsamál og leiguréttur, skipta- og gjaldþrotaréttur og málflutningur.

Erla hóf störf hjá Málþingi vorið 2006. Áður starfaði hún sem sérfræðingur á sviði nýsköpunar- og byggðamála í Iðnaðarráðuneytinu. Fyrst eftir útskrift úr lagadeild var Erla lögfræðingur hjá Skattrannsóknarstjóra ríkisins. Hún starfaði meðfram laganámi sem blaðamaður á Morgunblaðinu. Erla hefur umsjón með kennslu í hugverkarétti á sviði iðnaðar við lagadeild Háskóla Íslands og stundar rannsóknir á réttarsviðinu við Lagastofnun. Erla er stjórnarformaður nýsköpunarfyrirtækisins Lauf forks hf. og hefur á undanförnum misserum flutt fjölda fyrirlestra, á íslensku og ensku, um þýðingu hugverkaréttar fyrir atvinnulífið.

Tungumál: Sænska og enska